:-:-:-+:-:-:-:-:-:-:-:+:-:-:-:-:-:-:-:+:-:-:-:-:-:+:-:-:-:-:-:+
सवाल सखियों द्वारा
१. ओ दूल्हा रा साथिया म्हारी बूझो बात,
पहली बारां सासरिये में दूल्हो कांई मारे।।
जवाब बरातियों द्वारा
१. दुल्हन की नटखट सखियां या कांई पूछी बात,
पहली बारां सासरिये में दूल्हो तोरण मारे।।
सवाल सखियों द्वारा
२. मने बताओ तो मैं जाणूं पूछूं जो बात
पाछे पाछे दूल्हा रे कांई चाले ।।
जवाब बरातियों द्वारा
२. इत्ती सी कंई बात पूछी सुंदर मुखड़ा वाली,
पाछे पाछे दूल्हा रे दुल्हन सागे चाले।।
सवाल सखियों द्वारा
३. छील चामडो उघाड़ो चमके लाल क़तार
मोती जडियां खाजाओ खोलखोल सिणगार।।
जवाब बरातियों द्वारा
३. लाल सुरख होठांं वाली, चोखी पूछी बात
दाड़म ने खाया करे खोलखोल सिणगार।।
सवाल सखियों द्वारा
४.छोटी सी दो कोटड्यां लपलप करे किवाड़,
जीं रे मायने झांकतां आशिक होवे यार
जवाब बरातियों द्वारा
४. आपां दोन्यां मल जावां हो जागो उद्धार,
आजा म्हारी लारां गौरी करल्यां आख्या चार।।
सवाल सखियों द्वारा
५. हरिया ने छोडे नहीं सूखा भी ले चाख
बैद भी बताया करे या हाजमा री साख ।।
जवाब बरातियों द्वारा
५. ओ गौरी चितचोरणी तू क्यों मारे आंख।
आजा म्हारी बायां में तने खिलास्युं दाख।।
सवाल सखियों द्वारा
६. खुरदरी डाड्यां वारो ठूंठ जियां गाठो
ऊपर से दीखे लाकडो भीतर जाणे पैठो।।
जवाब बरातियों द्वारा
६. मीठी थारी बात छे गौरी मीठा ही बखान ,
चटक मले छे मंदिर में, बांटे सतनाराण।।
सवाल सखियों द्वारा
७. थारा घर री चाकरी करबा वाली कोण,
कोनो कोनो झांके है वा नखराली कोण।।
जवाब बरातियों द्वारा
७ तू चाले तने मिलास्युं बन म्हारी गणगौर,
झाड़ू जिस्यां री चाकरी घर घर में करे रे कोण।।
८. सवाल सखियों द्वारा
चालुंगी सागे थारे जो सांची बताओ बात,
पाछे मत भागे तू बींके नी मारेली लात।।
जवाब बरातियों द्वारा
८. मूं तो परण चुक्यो गोरी मने तू करदे माफ।
घर में सगला मारेला गधी मारे लात।।
No comments:
Post a Comment